Instalazioa

Makina modu seguruan eta arazorik gabe erabiltzeko, irakurri arretaz ondorengo segurtasun-neurriak eta instalatu makina toki egokian.


Ez instalatu makina sutea edo shock elektrikoak gerta daitezkeen tokian Aireztatze-zirrikituak blokeatuta dauden tokian (horma, ohea, sofa, alfonbra edo antzeko objektuetatik hurbilegi) Toki hezean edo hautsez betetako tokian Eguzki-izpi zuzenak jasotzen dituen tokian edo kanpoan Tenperatura altuak jasaten dituen tokian Sugarrak ager daitezkeen tokian Alkoholetik, disolbatzaileetatik eta antzeko gai sukoietatik hurbil Bestelako abisuak Ez konektatu makinara baimendu ez den kablerik. Bestela, sute edo shock elektrikoa gerta liteke. Ez utzi lepokorik eta antzeko metalezko objekturik edo likidoz betetako edukiontzirik makinaren gainean. Gai arrotzak makinaren barneko pieza elektrikoekin kontaktuan jarriz gero, sute edo shock elektrikoa gerta liteke. Ez erabili makina medikuntza-ekipamenduetatik hurbil. Makinak igortzen dituen irrati-uhinak medikuntza-ekipamenduekin nahas litezke eta, ondorioz, matxurak edo istripuak eragin. Gai arrotzen bat makinan sartzen bada, deskonektatu entxufea hartunetik eta jarri harremanetan Canon banatzaile baimenduarekin.

Ez instalatu makina sutea edo shock elektrikoak gerta daitezkeen tokian

Aireztatze-zirrikituak blokeatuta dauden tokian
(horma, ohea, sofa, alfonbra edo antzeko objektuetatik hurbilegi)

Toki hezean edo hautsez betetako tokian

Eguzki-izpi zuzenak jasotzen dituen tokian edo kanpoan

Tenperatura altuak jasaten dituen tokian

Sugarrak ager daitezkeen tokian

Alkoholetik, disolbatzaileetatik eta antzeko gai sukoietatik hurbil

Bestelako abisuak

Ez konektatu makinara baimendu ez den kablerik. Bestela, sute edo shock elektrikoa gerta liteke.

Ez utzi lepokorik eta antzeko metalezko objekturik edo likidoz betetako edukiontzirik makinaren gainean. Gai arrotzak makinaren barneko pieza elektrikoekin kontaktuan jarriz gero, sute edo shock elektrikoa gerta liteke.

Ez erabili makina medikuntza-ekipamenduetatik hurbil. Makinak igortzen dituen irrati-uhinak medikuntza-ekipamenduekin nahas litezke eta, ondorioz, matxurak edo istripuak eragin.

Gai arrotzen bat makinan sartzen bada, deskonektatu entxufea hartunetik eta jarri harremanetan Canon banatzaile baimenduarekin.

Ez instalatu makina ondorengo tokietan

Makina eror edo labain daitekeen tokian, ondorioz lesioak eraginez.

Egonkorra ez den tokian

Bibrazioak jasaten dituen tokian

Bestelako segurtasun-neurriak

Makina hau tokiz aldatzerakoan, jarraitu eskuliburuko argibideei. Gaizki mugitzen bada, makina lurrera eror liteke, lesioak eraginez.

Makina instalatzean, kontuz ibili eskuak makinaren eta hormaren edo zoruaren artean harrapatuta gera ez daitezen. Horrek lesioak eragin ditzake.

Ez instalatu makina ondorengo tokietan Horrek makinan kalteak eragin ditzake. Tenperatura-aldaketa handiak edo hezetasuna dagoen tokian Uhin magnetikoak edo elektromagnetikoak igortzen dituzten ekipamenduetatik hurbil Erreakzio kimikoak gertatzen diren laborategi edo toki batean
Gas korrosiboak edo toxikoak dauden tokian Makinaren pisuaren ondorioz oker daitekeen tokian edo makina ondora daitekeen tokian (alfonbra, etab.)

Saihestu gaizki aireztatutako tokiak

Makinak ozono kantitate txikia eta bestelako isurpenak kanporatzen ditu bere erabilera arruntean zehar. Isurpen hauek ez dira osasunerako kaltegarriak. Hala ere, erabilera-epe edo produkzio-aldi luzeetan zehar isurpen horiek antzematea gerta liteke. Lan-ingurune eroso bat mantentzeko, makina dagoen gela ongi aireztatua egon dadin gomendatzen da. Halaber, saihestu jendea makinaren isurpenen eraginpean egon daitekeen tokiak.

Ez instalatu makina kondentsazioa gertatzen den toki batean

Ur-tantak (kondentsazioa) ager daitezke makinaren barnean gela berehala berotzen denean, bai eta makina toki hotz edo lehor batetik toki bero edo heze batera mugitzen denean. Makina egoera hauetan erabiliz gero, paper-trabatzeak, kalitate txarreko inprimaketak edo makinan kalteak gerta litezke. Utzi makina giro-tenperaturara eta hezetasunera egoki dadin gutxienez bi ordutan zehar erabili aurretik.

Hari gabeko LAN sarea erabiliz gero

Instalatu makina hari gabeko LAN routerretik 50 m-ko distantziara edo hurbilago.

Posible bada, instalatu makina tarteko objektuek komunikazioa oztopatzen ez duten toki batean. Seinalea ahulagoa izan daiteke tartean hormak edo zoruak zeharkatu behar baditu.

Mantendu makina hari gabeko telefono digitaletatik, mikrouhin labeetatik eta irrati-uhinak igortzen dituzten gailuetatik ahalik eta urrunen.

Itsasoaren mailatik 3.000 m edo goragoko altueretan

Baliteke disko gogorra daramaten makinek gaizki funtzionatzea 3.000 metro edo goragoko altueretan.