Baimenik gabeko sarbideak saihestea

Atal honetan azaltzen dira kanpoko saretiko baimenik gabeko sarbideak saihesteko segurtasun-neurriak. Erabiltzaile eta administratzaile guztiek irakurri beharreko atala da hau, makina hau, beste inprimagailu batzuk eta sarera konektatutako funtzio anitzeko makinak erabili aurretik. Azken urteotan, sarera konektatutako funtzio anitzeko makinek/inprimagailuek hainbat funtzio erabilgarri eskaintzen dituzte, hala nola, ordenagailutik inprimatzea, ordenagailutik gailua erabiltzea urruneko funtzioaren bitartez, eta eskaneatutako dokumentuak Internet bidez bidaltzea. Bestalde, ezinbestekoa da segurtasun-neurriak hartzea informazio-filtrazioak gertatzeko arriskua mugatzeko, funtzio anitzeko makinek/inprimagailuek erasoak sufritzeko aukera gehiago dituztelako sarera konektatuta badaude, esaterako, baimenik gabeko sarbideak eta lapurretak. Atal honetan azaltzen da funtzio anitzeko makina/inprimagailua sarera konektatu haurretik konfiguratu beharreko ezarpenak baimenik gabeko sarbideak saihesteko.

IP helbidea ordenagailu-sarean parte hartzen duen gailu bakoitzari esleitzen zaion etiketa numerikoa da. Internetera konektatzen diren komunikazioetarako "IP helbide orokor" bat erabiltzen da eta, aldiz, "IP helbide pribatu" bat erabiltzen da sare lokalaren barneko komunikazioetarako, esaterako enpresa bateko LAN sare barnean. IP helbide orokor bat esleituz gero, funtzio anitzeko makina/inprimagailua publikoa izango da eta Internetetik atzi daiteke. Beraz, kanpoko saretiko baimenik gabeko sarbideen ondoriozko informazio-filtrazioak gertatzeko arriskua handiagoa da. Bestalde, IP helbide pribatu bat esleituz gero, funtzio anitzeko makina/inprimagailua sare lokalera mugatuta egongo da eta sare lokaleko erabiltzaileek soilik atzitu ahalko dute, esaterako, enpresako LAN sareko erabiltzaileek.

Suebakiak kanpoko sareetatik datozen baimenik gabeko sarbideak galarazten dituen sistema da eta sare lokala erasoen/intrusioen aurrean babesten du. Sare-ingurunean suebakia erabil dezakezu arriskutsuak diruditen kanpoko sareko sarbideak blokeatzeko, adierazitako kanpoko sareko IP helbideko komunikazioa mugatuz. Canon erabilera anitzeko makina/inprimagailuetan instalatutako eginbideak IP helbideen iragazkia konfiguratzeko aukera ematen du. IP helbideen iragazkia nola konfiguratu jakiteko, irakurri Suebakiaren arauetarako IP helbideak zehaztea.

TLS komunikazio enkriptatuari buruzko informazioa lortzeko, irakurri Segurtasun-eginbide sendoak abian jartzea, eta komunikazio mota hori zehazteko prozeduretarako, irakurri TLS komunikazio enkriptatua gaitzea urruneko EItik.

Hirugarren gaizto bat funtzio anitzeko makinara/inprimagailura baimenik gabe sartzen saiatzen bada, makinan biltegiratutako informaziorako PIN zenbaki bat ezarri izanak informazio-filtrazioaren arriskua murriztu egingo du. Canon funtzio anitzeko makinak/inprimagailuak hainbat motatako informazioa PIN bidez babesteko aukera eskaintzen du.